Qazaqstan Respýblıkasy Investısııalar jáne damý mınıstrliginiń buıryǵy  №481 

  2015 jylǵy 24 sáýir,Astana qalasy Jeke tulǵalar kásipkerlik qyzmet maqsatynsyz ákeletin kólik quraldaryn qospaǵanda, Eýrazııalyq ekonomıkalyq odaq elderiniń aýmaǵynan ákelýge qatysty erekshe quqyq beriletin taýarlardyń jekelegen túrleriniń tizbesin bekitý týraly «Saýda qyzmetin retteý týraly» 2004 jylǵy 12 sáýirdegi Qazaqstan Respýblıkasy Zańynyń 20-baby 2-tarmaǵyna jáne «Eýrazııalyq ekonomıkalyq odaq týraly shartty ratıfıkasııalaý týraly» 2014 jylǵy 14 qazandaǵy Qazaqstan Respýblıkasy Zańynyń 29-babyna sáıkes, buıyramyn: 1. Qosa berilip otyrǵan jeke tulǵalar kásipkerlik qyzmet maqsatynsyz ákeletin kólik quraldaryn qospaǵanda, Eýrazııalyq ekonomıkalyq odaq elderiniń aýmaǵynan Qazaqstan Respýblıkasynyń aýmaǵyna ákelýge qatysty erekshe quqyq beriletin kólik quraldarynyń jekelegen túrleriniń tizbesi bekitilsin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov) zańnamada belgilengen tártippen osy buıryqtyń 1-tarmaǵynda kórsetilgen kólik quraldaryn ákelýge daıyndaýshynyń resmı ókilderine, sondaı-aq dıstrıbıýtorlyq nemese dılerlik Kelisim negizinde resmı dılerlerge lısenzııalar berýdi júzege asyrsyn. 3. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov) Qazaqstan Respýblıkasy Ishki ister mınıstrliginiń Ákimshilik polısııa komıtetine osy buıryqtyń 1-tarmaǵynda kórsetilgen avtokólik quraldaryn daıyndaýshynyń resmı ókilinen nemese resmı dılerden osy buıryqtyń 2-tarmaǵyna sáıkes saýda qyzmetiniń kórsetilgen sýbektisi bergen lısenzııa kóshirmesin usyný arqyly bastapqy tirkeýdi júzege asyrý kezinde baqylaýdy qamtamasyz etý qajettiligi týraly habardar etsin. 4. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov): 1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kún ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 4-tarmaǵynyń 1), 2) jáne 3) tarmaqshalarynda kózdelgen is-sharalardy oryndaý týraly málimetterdi usynýdy qamtamasyz etsin. 5. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý vıse-mınıstri A.P. Raýǵa júktelsin. 6. Osy buıryq onyń birinshi resmı jarııalanǵan kúninen keıin ótkennen soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILDI» Qazaqstan Respýblıkasynyń Ulttyq ekonomıka mınıstri ___________E.DOSAEV 2015 jylǵy 28 sáýir Qazaqstan Respýblıkasy Investısııalar jáne damý mınıstriniń 2015 jylǵy 24 sáýirdegi buıryǵymen bekitilgen Jeke tulǵalar kásipkerlik qyzmet maqsatynsyz ákeletin kólik quraldaryn qospaǵanda, Eýrazııalyq ekonomıkalyq odaq elderiniń aýmaǵynan Qazaqstan Respýblıkasynyń aýmaǵyna ákelýge qatysty erekshe quqyq beriletin kólik quraldarynyń jekelegen túrleriniń tizbesi № EAEO SEQ TN*kody Taýarlyq pozısııa ataýy 1. 8702 Júrgizýshini qosa alǵanda, 10 nemese odan da kóp adamdy tasymaldaýǵa arnalǵan motorly kólik quraldary 2. 8703 Júk-jolaýshy avtomobıl-fýrgondar men jarys avtomobılderin qosa alǵanda, negizinen adamdardy tasymaldaýǵa arnalǵan jeńil avtomobılder jáne ózge de motorly kólik quraldary 3. 8704 Júkterdi tasymaldaýǵa arnalǵan motorly kólik quraldary *Eskertpe: abbrevıatýralardyń tolyq jazylýy: EAEO SEQ TN - Eýrazııalyq ekonomıkalyq odaqtyńsyrtqy ekonomıkalyq qyzmetiniń taýar nomenklatýrasy. Buıryq Qazaqstan Respýblıkasynyń Ádilet mınıstrliginde 2015 jylǵy 25 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11164 bolyp engizildi.